Апавяданьні

Зборнік апавяданьняў (1929) Уладзіслава Паўлюкоўскага (напісаны пад псэўданімам Улад-Ініцкі) складаецца з часам сумных, а часам мудрагеліста вясёлых і анэкдатычных абразкоў з жыцьця беларусаў за Польшчай, у прыватнасьці Вільні. Гісторыйкі дасюль застаюцца актуальнымі і павучальнымі, а да ўсяго цікавым дакумэнтам часу. Аўтар з любоўю кпіць зь беларусаў, з сябе, крытыкуе крывадушніцтва Касьцёла і Царквы, скнарства рэлігійнікаў і адвечную несалідарнасьць беларусаў. Гумарыстычнае апавяданьне «Ня поўныя беларусы» заслугоўвае асаблівай увагі чытацтва. Гэта вельмі насычанае кароткае апавяданьне з цікавым філязофскім і палітычным пасланьнем, а яшчэ з мудрагелістай фэмінісцкай падаплёкай.

Доўгі час забытыя і схаваныя, апавяданьні пісьменьніка - вязьня Лукішак, Бярозы Картускай і ГУЛАГу вяртаюцца да чытачоў.

Тэкст зборніка прадстаўлены Уладзіславам Гарбацкім.

Аўдыякніга запісана на ахвяраваньні падпісчыкаў праекта audiobooks.by.