Дванаццаць подзвігаў Геракла

Не, гэта не пераклад вядомых міфаў. Аўтар вырашыў напісаць сваю версію неўміручых прыгодаў. У прадмове да кнігі Пятро Васючэнка патлумачыў, чаму ўзяўся за гэтую працу: «У ХХІ стагоддзі мне захацелася напісаць кнігу пра тыя часы, калі чалавек быў дзіцём, і чалавецтва палягала ў стане дзяцінства, і гэтым дзіцячым садком кіравалі выхавацелі – усемагутныя і ўсёведныя алімпійскія багі».
Геракл, падобны да падлетка, надзеленага надзвычайнай фізічнай сілай, паспяхова здзяйсняе свае 12 подзвігаў і нават разгадвае таямніцу багоў, зразумеўшы, што светам кіруе Любоў, Міласэрнасць і Літасць. Адметны гумар і стыль Пятра Васючэнкі, а таксама безліч цікавых звестак міфалогіі, гісторыі, геаграфіі Старажытнай Грэцыі.

Крыніца: Кніжны Воз