Сучасная медыя-прастора. Як трапіць у сваю аўдыторыю

Як зрабіць так, каб людзі захацелі вас чытаць, глядзець і слухаць, перадаваць інфармацыю далей і далучацца да дзеяння?

Ці можна эфектыўна выкарыстоўваць сацыяльныя сеткі ў якасці інструмента камунікацыі з аўдыторыяй, самому не стаўшы інструментам алгарытмаў?

Чаму медыйная праца патрабуе як стратэгічнага, так і тактычнага планавання, і на якія беларускія прыклады варта раўняцца, заходзячы ў медыя-прастору ў пошуках сваёй аўдыторыі?

Пра ўсё гэта — у новым курсе медыя-менеджаркі галіны Малішэўскай. Курс складаецца з сямі відэа-лекцый і будуецца як дыялог: з экспертам гутарыць галоўны рэдактар праекта Media IQ Надзея Белахвосцік.

Курс створаны ў партнёрстве з Press Club Belarus.